Drugi nosilac na Vimbldonu, Rafael Nadal, plasirao se u treće kolo pošto je savladao Rikardasa Berankisa 3:1 (6:4, 6:4, 4:6, 6:3).

Ponovo je Rafa izgubio set, ali ipak je opravdao ulogu favorita protiv 106. tenisera svijeta i nastavio san o kalendarskom slemu. Međutim, nije da nema razloga za brige, piše SK.

Ne samo što je Litvanac uzeo set, već je imao dobre šanse da uzme i prvi i drugi set. U prvom je propustio brejk loptu kod 2:2, a kapitulirao je tek u 10 gemu, kojim je Španac i uzeo set i poveo 1:0. U drugom setu je Berankis prvi došao do brejka, vodio je 3:1. Ali je ispustio tu prednost, a potom gotovo na isti način izgubio i ovaj drugi set.

Stekao je brejk prednosti odmah na startu trećeg seta, ali ga je za razliku od drugog seta, držao do kraja i smanjio na 2:1. Kada se očekivalo da bi mogao da pritisne velikog protivnika, kapitulirao je na početku četvrtog seta.

Rafa je napravio brejk, poveo 3:0, a onda je pala kiša. Prekid koji je trajao oko pola sata nije doneio velike promjene i Nadal je izborio plasman u treće kolo. Tamo ga čeka Italijan Lorenco Sonego (Lorenzo).