Košarkaši Partizana pobijedili su Crvenu zvezdu rezultatom 88:80 u prvom meču finala ABA lige.

"Crno-bijeli" su iskoristili prednost domaćeg terena i savladali svog ljutog rivala poslije velike drame. Partizan je imao i 20 poena prednosti tokom meča, ali se Zvezda uspjela vratiti u meč i zamalo doći do pobjede.

Najefikasniji u Partizanu bio je Zek Ledej (Zach LeDay) sa 24 poena, a pratio ga je Kevin Panter (Punter) sa 19. 

Na drugoj strani istakao se Ognjen Dobrić sa 17 ubačaja, dva manje imao je Fakundo Kampaco (Facundo Campazzo).

Naredni meč se igra u četvrtak u 20 sati, na istom mjestu, a Partizan ima prednost od 1:0 u finalnoj seriji.