Rolan Garos, grend slem turnir koji je Rafael Nadal osvojio 14 puta, počinje 22. maja, a mnogi razmišljaju o tome da li će teniser s Baleara nastupiti u Parizu. Nadal ima velikih problema s povredama, uslijed kojih trenutno ne nastupa na mastersu u Rimu, takmičenju na kojem je dominirao u prethodnih 15 godina.

Ipak, društvenim mrežama kruže snimci s Rafinih skorašnjih treninga, a na jednom od njih vidi se kako Nadal napušta teren uz očigledne bolove. Uz njega se nalaze trener Karlos Moja i ostatak tima osvajača 22 grend slem titule.

Koliko će Nadal biti spreman za nadmetanje u Bulonjskoj šumi, ostaje da se vidi u narednih desetak dana. Jasno je da 14. igrač svijeta i u poznoj fazi karijere predstavlja ogromnu prijetnju svakom rivalu na Rolan Garosu, turniru na kojem ima nestvarni skor 112-3.

Titulu iz Pariza brani upravo Nadal, koji je 2022. godine u finalu lako pobijedio Kaspera Ruda.