Nik Kirjos (Nick Kyrgios) prihvatio je zanimljivu opkladu s Novakom Đokovićem pred njihov sutrašnji okršaj u finalu Vimbldona.

Svemu tome prethodila je konverzacija koju su imali na jučerašnjem treningu.

- Trebalo ti je pet godina da kažeš nešto lijepo o meni - dobacio je Đoković Kirjosu.

Nik mu je uzvratio da je "uradio to kad je bilo najbitnije", misleći na podršku koju je pružio Srbijancu u Australiji.

Sve to se s terena prenijelo na društvene mreže, pa je Kirjos pitao Novaka: "Jesmo li sada prijatelji?".

- Ako me pozoveš na piće ili večeru, prihvatam. P.S. Pobjednik sutra plaća - rekao je Đoković. 

Kirjos je ipak nešto drugačiju ideju imao na pameti.

- Dogovoreno, idemo u noćni klub da totalno poludimo - kazao je Kirjos.

Finale između Đokovića i Kirjosa igra se u nedjelju od 15 sati na Centralnom terenu Ol Ingland klaba.