Košarkaši CSKA u prvom večerašnjem meču 19. kola Eurolige savladali su Žalgiris na svom parketu rezultatom 83:73.

Moskovski tim došao je do 15. pobjede učvrstivši se na prvom mjestu tabele. CSKA je prednost imao tokom čitavog susreta, ali Litvanci ni u jednom trenutku nisu bili potpuno otpisani i zahvaljujući dobrim šuterskim epizodama vraćali su se u meč, ali snage za preokret na kraju nisu imali.

Majk Džejms (Mike James) je za ruski tim ubacio 21 poen, a Tornike Šengelija (Shengelia) imao je 18 poena i sedam skokova.

U poraženoj ekipi Marius Grigonis imao je 16 poena (5/11 iz igre), Tomas Vokap (Thomas Walkup) dodao je 14 poena uz pet asistencija.