U jednom od sinoćnjih susreta četvrtog kola južnoameričkih kvalifikacija za Svjetsko prvenstvo 2022. godine (CONMEBOL), Čile je u gostima poražen od Venecuele s 2:1. 

Luis Mago je u 9. minuti doveo Venecuelu u vodstvo, da bi Arturo Vidal u 15. donio poravnanje Čileu.

Prvu pobjedu Venecueli golom u 81. minuti donosi Salomon Rondon.

Kolumbija je istovremeno pretrpjela poniženje na gostovanju kod Ekvadora, koji ju je deklasirao s 6:1.

Domaći su dali četiri gola za poluvrijeme, a redom su pogađali Robert Arboleda – 7', Anhel Israel Mena Delgado (Angel) – 9', Majkl Stiven Estrada Martinez (Michael Steveen) – 32' i Ksavijer Areaga (Xavier Arreaga) – 39'.

Hames Rodrigez (James Rodriguez) je iz penala na isteku prvog poluvremena smanjio prednost Ekvadora, koji u nastavku postižu još dva gola.

Strijelci su bili Gonzalo Plata u 78. i Pervis Estupinan u 91. minuti.