- Prihvatio sam opkladu dok sam šutirao. Opklada nije službena dok ne pogledaš čovjeka u oči, zato sam se morao okrenuti i pogledati ga u oči, rekao sam mu da opklada vrijedi, objasnio je Džejms tricu bez gledanja.
Tako je otprilike LeBron prihvatio ponudu koju mu je, sredinom druge četvrtine utakmice između Hjustona i LA Lejkersa (100-117), na stol stavio Denis Šreder (Dennis Schroder). Opkladu da neće postići koš - bez gledanja.
Džejms je, naime, u jednoj akciji primio loptu u ćošku igrališta, namjestio se na šut, ispalio tricu i prije nego je ona konačno prošla kroz obruč, okrenuo se prema klupi. Izgledalo je podcjenjivački prema protivniku, nedostojno možda velikog šampiona kakav je Džejms, no pozadina je bila upravo opklada.
